Duas in Category: Qayamat
-
Ya Allah, Qayamat ke din humein ruswai se bacha le. Hamara aamaal-naama daaye haath mein ata farma aur humein asaan hisaab naseeb farma.
-
Ya Allah, Qayamat ke din humein ruswa hone se bacha lena aur apni rehmat ke saaye mein jagah ata farma.
-
Ya Allah, Qayamat ke din jab aamaal ka wazan hoga, hamare nek aamaal ko bhaari aur gunahon ko halka farma.
-
Ya Allah, Qayamat ke din humein apne arsh ke saaye mein jagah ata farma jab tere siwa koi saaya na hoga.
-
Ya Allah, Qayamat ke din hamara hisaab aasaan farma aur humein daaye haath mein nama-e-aamaal ata farma.
-
Ya Allah, Qayamat ke din humein Nabi Kareem ki shafa�at naseeb farma aur humein kamyaab bandon mein shamil farma.
-
Ya Allah, Qayamat ke din humein zaleel na karna. Hum itne bade gunehgaar hai ki agar humare gunah duniya ke saamne aa jaye to hum kisi ko apna chehra nahi dikha payenge. Lekin jaise aapne zindagi bhar humare gunaho pe parda kiya hai, ussi tarah humare gunah ko maut se pehle maaf farmana, aur humein Qayamat ke din ruswai se bachana.
Duas in Other Categories
-
Ya Allah, jin Musalmaan bhai aur behen ka nikah ka waqt aa gaya hai, unke liye paak, barkat aur sukoon wala rishta ata farma. Unki aankhon ki thandak aur dil ki khushi ka zariya bana.
-
Ya Allah, humein Ramadan ke baad bhi nek aamaal par qayam rakh. Is mahine ki roshni ko hamari poori zindagi ka noor bana dena.
-
Ya Allah, humein apni aulaad ki tarbiyat mein hamesha kaamyaab farma. Unko nek amal aur taleem mein taraqqi ata farma aur burai se mehfooz rakh.
-
Ya Allah, jin ka nikah nahi hua unhein paak aur behtareen rishta ata farma, aur nikah ko barkat aur sukoon ka zariya bana.
-
Ya Allah, hum gunehgaar hai, bohot sare gunah anjaane mein kar baithte hai, aur kayi gunah jaan kar bhi karte hai. Humare gunah itne bade hai ki maafi ke layak bhi nahi hai, lekin in bade gunaho ke aage Ya Allah aapki rehmat kai guna badi hai. Ya Rahman, aapki rehmat ke aage humare gunaho ko chota samajh kar unhein maaf farma.
-
Ya Allah, Aaj humari ummat badi pareshaan hai, zulm se ghiri hui hai, na-insaafi ka shikaar bani hui hai, musibaton se jhujh rahi hai. Lekin in sab takleefon se badi ek takleef hai jo unhein mayoos kar rahi hai aur wo hai na ummeedi. Jab ek mazloom ki ummeed toot jaati hai tab uska koi sahara baki nahi rehta. Ya Allah, na ummeedi mein ummeed dikhana wale aap ho, Na mumkin ko mumkin karne wale aap ho, Mazloom ko sahara dene wale aap ho, Mayoosi ko door karne wale aap ho. Takleef se guzar rahe in tamaam logo ki awaaz sunne wale aap ho. Khaliq bhi aap ho aur Maalik bhi aap ho. Ya Allah, in musibaton se pareshaan logo ki pareshaaniyon ko door farma. Aansuon se bhari in mayoos aankhon mein khushiyan naseeb farma.
-
Ya Allah, Muslim Ummah ko hidayat, wahdat aur izzat ata farma. Humein apne Deen par mazbooti se chalne ki taufeeq ata farma.
-
Ya Allah aap Rahman ho, aap Raheem ho. Ek maa apne bachhe se jitna pyaar karti hai, usse kai guna zyada pyaar aap apne bando se karte ho. Ek maa apne bigde hue bachhe ko seene se laga kar uski buraiyo pe parda dal deti hai, ussi tarah, aap hum sab ki buraiyo pe parda daal kar hum par rahmat barsa aur hum sab ke gunaho ko maaf farma.
-
Ya Allah, hamare dilon ko sirf apni muhabbat aur apni yaad se bhar de. Kisi aur par bharosa karne, kisi aur se darne aur kisi aur ke liye amal karne se humein bacha le.
-
Ya Allah, Qayamat ke din hamara hisaab aasaan farma aur humein daaye haath mein nama-e-aamaal ata farma.
