Ya Allah, humein halaal, paak aur barkat wali rozi ata farma. Humein kisi ke saamne mohtaaj na bana aur apni rehmat se kaafi farma.
Ya Allah, humein halaal, paak aur barkat wali rozi ata farma. Jo rozi tu de us mein sukoon aur qanaat ata farma.
Ya Allah, humein rozi ke liye kisi ke saamne jhukne se bacha le. Apni rehmat se humein kaafi farma aur apne fazl par bharosa ata farma.
Ya Allah, jo rozi hum kama rahe hain use hamare liye nek aamaal ka zariya bana. Humein haraam se bacha aur halaal par sabr ata farma.
Ya Allah, hamari rozi mein barkat ata farma, chahe wo kam ho ya zyada. Humein shukar guzaar aur dusron par kharch karne wala bana.
Ya Allah, humein faqr, tangdasti aur qarz ke bojh se bacha le. Apni rehmat ke khazane se humein be-intiha ata farma.
Ya Allah, hum sab ki rozi mein barkat ata farmaa. Jo tune dia wo teri Niamat, Jo tune na dia wo teri Hiqmat, Aur jo tune dekar le liya wo humara 'Imtehaan'. Ya Allah humein har haal mein tera shukar ada karne ki taufeeq ata farma.
Duas in Other Categories
Ya Allah, agar hamare maa baap zinda hain to unki hifazat farma, aur agar duniya se ja chuke hain to unki maghfirat farma.
Ya Allah, nikah ke rishton mein mohabbat, samajhdari aur imaan ko qaim rakh. Har faisla aur har masla sirf teri raza ke liye ho.
Ya Allah, humein maut ke waqt kalima tayyaba par qayam rakh aur humein apni rehmat ke saaye mein jagah ata farma.
Ya Allah, maut ka dar aur gham door farma aur humein akhirat ke liye hamesha tayyar aur sabr wala bana.
Ya Allah, humein apni aulaad ki tarbiyat mein hamesha kaamyaab farma. Unko nek amal aur taleem mein taraqqi ata farma aur burai se mehfooz rakh.
Ya Allah, is safar ko hamare gunahon ki maghfirat aur nek aamaal ka zariya bana. Hamare dil ko sukoon aur barakat ata farma.
Oh Allah Save our children from the impact of our mistakes in their lives. Ya Allah, assist us with physical & emotional strength to be a good parents & example to our children. Ya Allah Make our children the coolness of our eyes and make them sawaab-e-jaariya for me & my spouse.
Ya Allah, humein un bandon mein shamil farma jinke liye namaz aankhon ki thandak hai. Maut tak namaz ki hifazat naseeb farma aur namaz ko hamare liye Aakhirat mein nijaat ka zariya bana.
Ya Allah, humein Quran ka haqq ada karne wala bana. Jise hum padhein us par amal bhi kar sakein, aur jo hum samjhein use apni zindagi mein utar sakein. Quran ko hamare liye daleel bana, muqabla karne wala na banana.
Ya Allah, namaz ke zariye hamare gunahon ko maaf farma aur hamari kamiyon ko door farma. Namaz ko hamare liye sirf ek farz nahi balki teri yaad ka zariya bana de.
