Ae Allah hamare maa baap ke jaan, maal, izzat, aabru, zindagi aur Iman mein khoob barkat Ata farma, ae Allah un ke ilm aur amal mein taraqqi Naseeb farma, aur un ki Qadar daani Naseeb farma.
Oh Allah, bring all humans closer to You and each other. Please do not make us Muslims a test for them with our misrepresentation of Islam because of our bad behavior. Oh Allah, save humanity from being its own enemy. Protect Your creation from oppression.
Ya Allah, Jannat ke baaghon aur sukoon ko hamare liye aasan farma aur humein apni rehmat aur barkat se nawaz.
Ya Allah, humein jahannam ki aag se bachana. Ye dunya ki garmi, ye dunya ki aag humse bardaasth nahi hoti, to jahannam ki aag kaise bardaasth kar payenge hum. Humein jahannam ki aag se panah dekar hum sabko jannat naseeb karna.
Ya Allah, humein un logon mein shamil farma jo Aakhirat ke liye jeete hain aur duniya ko sirf ek imtihaan samajhte hain. Hamare aamaal ko khalis apni raza ke liye bana de aur humein riya, dikhave aur ghuroor se mehfooz rakh.
Ya Allah, humein Jannat-ul-Firdous bina hisaab ke naseeb farma aur apna deedar ata farma.
Ya Allah, hamari qabr ko roshni se bhar de. Qabr ko Jannat ke baaghon mein se ek baagh bana aur qabr ke azaab se humein mehfooz farma.
Ya Allah, tu ne Quran mein farmaya ke tu har gunah ko maaf karta hein, chota ho ya bara, Ya Allah, is Ayat ke zel mein ham sab gunehgaro ki maghfirat farma.
Ya Allah, hum se jaan kar aur anjaane mein jo gunah ho gaye hain, un sab ko maaf farma aur humein sacchi tauba naseeb farma.
Ya Allah, humein Ramadan ki haqeeqi qadr ata farma. Is mubarak mahine ko hamare liye hidayat, maghfirat aur Jahannam se nijaat ka zariya bana. Hamari har ibadat ko qubool farma.
