Ya Allah, jin ka nikah nahi hua unhein paak aur behtareen rishta ata farma, aur nikah ko barkat aur sukoon ka zariya bana.
Ya Allah, jin Musalmaan bhai aur behen ka nikah ka waqt aa gaya hai, unke liye paak, barkat aur sukoon wala rishta ata farma. Unki aankhon ki thandak aur dil ki khushi ka zariya bana.
Ya Allah, nikah ke rishton mein mohabbat, samajhdari aur imaan ko qaim rakh. Har faisla aur har masla sirf teri raza ke liye ho.
Ya Allah, apne pasandeeda bandon ke liye halal rizq aur barkat ata farma aur unke rishte ko sada khushi aur sukoon se bhar de.
Ya Allah, nikah ke rishton mein har qadam tere hukm ke mutabiq ho aur dono partners ek doosre ke liye apni aankhon ki thandak aur deen ke qareeb hon.
Ya Allah, nikah ke zariye humein teri raza ke kareeb la aur har rishta aur har ghar teri rehmat aur barkat se roshan ho.
Ya Allah, Jo musalmaan bhai aur behan nikah ki umar ke ho gaye hai, unke nikah ko mukammal farma. Jo unki aankhon ki thandak bane aur ek doosre ko aapke aur deen ke kareeb kare aise paak rishte ko qubool farma. Halaal rishte ke saath halaal rozi ka zariya naseeb farma.
Duas in Other Categories
Ya Allah, hamare gharwalon aur rishtedaaron ke darmiyan mohabbat aur ittifaq paida farma aur har ranjish door farma.
Ya Allah, humein maut ke waqt kalima tayyaba par qayam rakh aur humein apni rehmat ke saaye mein jagah ata farma.
Ya Allah, humein namaz ka paband bana aur namaz ko hamari zindagi ka markaz bana de. Hamare dilon ko namaz ke zariye sukoon ata farma aur humein har namaz khushu aur khuzu ke saath padhne ki taufeeq ata farma.
Ya Allah, humein un logon mein shamil farma jinko tu apni rehmat aur maghfirat se bachata hai aur humein unka saathi bana.
Ya Allah, humein nek, farmabardar aur deen-daar aulaad ata farma aur unhein hamari aankhon ki thandak bana.
Ya Allah, jis tarah tu ne duniya mein hamari buraiyon par parda dala, isi tarah Aakhirat mein bhi hamari khataon aur gunahon par apni rehmat ka parda daal dena. Humein ruswai se bacha lena aur apni maghfirat ke saaye mein jagah ata farma.
Ya Allah, humein riya, dikhawa aur logon ko khush karne ke liye ibadat karne se mehfooz rakh. Hamare har amal ko sirf apni raza ke liye khalis bana de.
Ya Allah, Jannat mein humein wo saari naimat aur barkat ata farma jo hamari aankhon ne na dekhi ho aur dil ne na sochi ho.
Ya Allah, humein un logon mein shamil farma jo Aakhirat ke liye jeete hain aur duniya ko sirf ek imtihaan samajhte hain. Hamare aamaal ko khalis apni raza ke liye bana de aur humein riya, dikhave aur ghuroor se mehfooz rakh.
Ya Allah, gunahon ki wajah se jo sakhti aur andhera hamare dilon mein aa gaya hai use door farma aur apni yaad ki roshni ata farma.
