Duas in Category: Maa Baap
-
Ya Allah, hamare maa baap par apni rehmat nazil farma. Agar zinda hain to sehat aur barkat wali zindagi ata farma, aur agar wafat paa chuke hain to maghfirat farma.
-
Ya Allah, hamare maa baap par apni rehmat nazil farma aur unki zindagi mein sehat aur barkat ata farma.
-
Ya Allah, agar hamare maa baap zinda hain to unki hifazat farma, aur agar duniya se ja chuke hain to unki maghfirat farma.
-
Ya Allah, hamare maa baap ke gunahon ko maaf farma aur unke darjaat ko buland farma.
-
Ya Allah, humein apne maa baap ka farmabardaar, khidmat guzaar aur unke liye dua karne wala bana.
-
Ya Allah, jis tarah unhone humein bachpan mein paala, usi tarah tu un par apni khaas rehmat farma.
-
Ya Allah, humare maa baap ne zindagi bhar takleef utha kar humein bada kiya hai. Unki jitni bhi khidmat hum kar lein, kabhi bhi unka badla hum chuka nahi payenge. Ye jo aaram wali zindagi humein aaj mili hai, wo sab unki qurbaniyon ke badolat mili hai. Hum dua karte hai ki humare maa baap ko jannat ul firdaus naseeb ho. Ya Allah humare maa baap ko jahannam se bacha kar jannat naseeb farmana.
-
Ae Allah hamare maa baap ke jaan, maal, izzat, aabru, zindagi aur Iman mein khoob barkat Ata farma, ae Allah un ke ilm aur amal mein taraqqi Naseeb farma, aur un ki Qadar daani Naseeb farma.
-
Ya Allah, humare maa baap ko tandurusti ataa farma. Humein unki khidmat karne ki taufeek ataa farma. Maut ke aane tak humare maa baap ko kisi baat ki takleef na ho. Na bimari ki takleef jo jism mein dard pohonchaye aur na dil ki takleef jo kisi ki baaton se pohonche. Unhein hamesha khush rakhna aur humein unki khushiyon ki wajah banana.
Duas in Other Categories
-
Ya Allah, humein Ramadan ki qadr karne wala bana. Is mahine ki har ibadat qubool farma, gunah maaf farma aur humein dozakh se nijaat ata farma.
-
Ya Allah, jin Musalmaan bhai aur behen ka nikah ka waqt aa gaya hai, unke liye paak, barkat aur sukoon wala rishta ata farma. Unki aankhon ki thandak aur dil ki khushi ka zariya bana.
-
Ya Allah, humein har burai aur shirk se mehfooz rakh aur humein apni rehmat aur barkat ka qareeb bana.
-
Ya Allah, humein maut ke waqt kalima tayyaba par qayam rakh aur humein apni rehmat ke saaye mein jagah ata farma.
-
Ya Allah, duniya mein kayi Musalmaan bhai, behne aur bachhe pareshaan hai. Unka koi madad karne wala nahi hai. Koi unke aansoo pochne wala nahi hai. Koi unhe sahara dene wala nahi hai. Hum madad karna chahte hue bhi unki sahi tarah se madad nahi kar pa rahe hai. Aisi haalat mein sirf aap hi ho jo un pareshaan logon ki hifaazat kar sakte ho. Ya Allah takleef se pareshaan musalmano ki takleef ko door farma.
-
Ya Allah, humein apni aulaad ke saath mohabbat aur samajhdari se pesh aane ki taufeeq ata farma. Unki khushi aur behtari mein hamesha hamari dua shamil ho.
-
Ae hamare pyare Allah, jis tarah tu ne dunya mein hamare gunaho par parda daal diya, Isi tarah Akhirat mein bhi hamare gunaho par parda daal dena.
-
Ya Allah, jab log humein chhor kar chale jaayein, us waqt tu hamara wali aur madadgaar banna. Qabr ko hamare liye sukoon ka ghar bana dena.
-
Ya Allah, hamare chhote aur bade, zahir aur posheeda sab gunahon ko maaf farma aur humein paak aur saaf zindagi guzaarne ki taufeeq ata farma.
-
Ya Allah, hamari rozi mein barkat ata farma, chahe wo kam ho ya zyada. Humein shukar guzaar aur dusron par kharch karne wala bana.
