Ya Allah, humein maut ke waqt kalima tayyaba par qayam rakh aur humein apni rehmat ke saaye mein jagah ata farma.
Ya Allah, agar hamare maa baap zinda hain to unki hifazat farma, aur agar duniya se ja chuke hain to unki maghfirat farma.
Ya Allah, qabr mein hamare saath hamare aamaal-e-saleha ko saathi bana dena aur hamari kamiyon ko apni rehmat se dhaanp lena.
Ya Allah, is ibadat ke zariye humein apni rehmat aur qareeb bana de aur hamare roohani safar ko aasaan aur maqbool farma.
Ya Allah, humein Ramadan ki qadr karne wala bana. Is mahine ki har ibadat qubool farma, gunah maaf farma aur humein dozakh se nijaat ata farma.
Ya Allah, Quran ke har harf ko hamare liye rehmat, shifa aur hidayat ka zariya bana. Hamare dilon ko Quran ke zariye zinda farma aur humein us se door hone se bacha le.
Ya Allah, humein Jannat ke zikar aur yaad se mohabbat ata farma aur har mushkil waqt mein humein uski tasalli aur sukoon ata farma.
Ya Allah, safar aur hazar, din aur raat har haal mein humein apni panah mein rakhna.
Ya Allah, Jo musalmaan bhai aur behan nikah ki umar ke ho gaye hai, unke nikah ko mukammal farma. Jo unki aankhon ki thandak bane aur ek doosre ko aapke aur deen ke kareeb kare aise paak rishte ko qubool farma. Halaal rishte ke saath halaal rozi ka zariya naseeb farma.
Ya Allah, jab hum namaz ke liye kharay hon to hamare dil ko duniya ke khayalon se paak farma. Humein apne samne kharay hone ka ehsaas ata farma aur apni rehmat ka qurb naseeb farma.
