Become a Contributing member of our community

Contribute A Dua

    Duas in Category: Others

  • Ae Allah Shariat ka har kaam karna hamare liye asaan farma de, Ae Allah jis tarah bhook lagti hein hum khaa lete hein, pyaas lagti hein hum pee le te hein, neend aati hein so jaate hein, isi tarah hamare liye Shariat ka har kaam asaan kar de, aur Jin kaamo se tu naaraaz hota hein, un kaamo se hamein mukammal tor par ihtiraaz Naseeb farma, aur ae Allah kabhi nafs aur shaytaan ke dhoke mein aa kar tujhe naaraaz kar bethe to ae Allah hum par nazr rahmat kar ke phir taubah ki tawfeeq Naseeb kar dena

    Duas in Other Categories

  • Ya Allah, humein sehatmand, taqatwar aur barkat wali zindagi ata farma. Hamare jism aur rooh ko har bimaari aur kamzori se mehfooz rakh.
  • Ya Allah, hum gunehgaar hai, bohot sare gunah anjaane mein kar baithte hai, aur kayi gunah jaan kar bhi karte hai. Humare gunah itne bade hai ki maafi ke layak bhi nahi hai, lekin in bade gunaho ke aage Ya Allah aapki rehmat kai guna badi hai. Ya Rahman, aapki rehmat ke aage humare gunaho ko chota samajh kar unhein maaf farma.
  • Ya Allah, maut ke baad humein apni rehmat aur shafa�at ka saathi bana aur humein Jannat-ul-Firdous ke liye qareeb kar.
  • Ya Allah, humein har zahiri aur batini buraai se mehfooz rakh. Nazar-e-bad, hasad aur har museebat se hamari hifazat farma.
  • Ya Allah, hamare ghar, maal, aulaad aur izzat ki hifazat farma aur humein har musibat se bachaye rakh.
  • Ya Allah, humein nek, farmabardar aur deen-daar aulaad ata farma. Unhein hamari aankhon ki thandak bana aur unke dilon mein apni ibadat ka shauq paida farma.
  • O Allah, we ask You for Paradise and whatever draws us near to it from speech and deed. And we seek refuge in You from Hell and from whatever draws us near to it from speech and deed.
  • Ya Allah, humein Jahannam ke dard aur gham se bacha aur hamesha apni yaad, ibadat aur nek aamaal mein qayam rakh.
  • Ya Allah, Qayamat ke din humein apne arsh ke saaye mein jagah ata farma jab tere siwa koi saaya na hoga.
  • Ya Allah, Aakhirat ke har marhale ko hamare liye aasaan farma. Qabr, Hashr, Hisaab aur Pul Sirat ke har imtihaan mein apni rehmat se kaam lena. Hamari kamzori ko dekh kar humein na pakadna, balki apni rehmat se humein bakhsh dena.