Ya Allah, humein shirk ke har chhote aur bade gunah se bacha le. Hamare imaan ko paak aur khalis rakh aur sirf apne upar bharosa karne wala bana.
Ya Allah, humein shirk ke har zahir aur posheeda shakal se mehfooz rakh. Jo shirk hum jaante hain aur jo anjaane mein ho jaata hai, us sab se humein bacha le aur hamare imaan ko khalis bana.
Ya Allah, hamare dilon ko sirf apni muhabbat aur apni yaad se bhar de. Kisi aur par bharosa karne, kisi aur se darne aur kisi aur ke liye amal karne se humein bacha le.
Ya Allah, humein riya, dikhawa aur logon ko khush karne ke liye ibadat karne se mehfooz rakh. Hamare har amal ko sirf apni raza ke liye khalis bana de.
Ya Allah, hamare aqeede ko paak aur mazboot farma. Humein sirat-e-mustaqeem par qayam rakh aur maut tak tauheed par zinda rakh.
Ya Allah, agar hum se shirk ka koi amal ya khayal sarzad ho gaya ho to apni rehmat se use maaf farma. Humein sacchi tauba naseeb farma aur apni hifazat mein le le.
Duas in Other Categories
Ya Allah, gharwalon aur rishtedaaron ki sehat, izzat aur khushi mein barkat ata farma aur humein unka achha saathi bana.
Oh Allah Shield, increase & protect the love/mercy/barakah between me & my spouse for as long as we live. Bind us together with love. Do not let shaytan break our bond.
Ya Allah, humein shaitan ke waswason, buri nazar aur har aafat se mehfooz farma.
Ya Allah, poori Muslim Ummah par apni rehmat aur karam farma. Hamare dilon ko jod de aur humein ek doosre ka dard samajhne wala bana.
Ya Allah, jab hum is duniya se ruksat hon, to humein Aakhirat ki behtareen manzil naseeb farma. Humein asaan hisaab, apni maghfirat aur Jannat-ul-Firdous ata farma. Apni rehmat se humein un bandon mein shamil farma jin se tu raazi hai.
Ya Allah, Qayamat ke din humein ruswa hone se bacha lena aur apni rehmat ke saaye mein jagah ata farma.
Ya Allah, humein Aakhirat ki taiyari karne wala bana. Duniya ki mohabbat ko hamare dil se kam aur Aakhirat ki fikr ko zyada kar de. Aakhirat ke har marhale mein apni rehmat se nawazna.
Ya Allah, jis tarah unhone humein bachpan mein paala, usi tarah tu un par apni khaas rehmat farma.
Ya Allah, hamari qabr ko roshni se bhar de. Qabr ko Jannat ke baaghon mein se ek baagh bana aur qabr ke azaab se humein mehfooz farma.
Oh Allah, Expand my grave and illuminate it with light and Ya Allah Make my grave a peaceful, cool abode.
