Ya Allah, hamare maa baap par apni rehmat nazil farma aur unki zindagi mein sehat aur barkat ata farma.

Ya Allah, hamare maa baap par apni rehmat nazil farma aur unki zindagi mein sehat aur barkat ata farma.

Share this Dua:

Ya Allah, jis tarah unhone humein bachpan mein paala, usi tarah tu un par apni khaas rehmat farma.
Ya Allah, agar hamare maa baap zinda hain to unki hifazat farma, aur agar duniya se ja chuke hain to unki maghfirat farma.
Ae Allah hamare maa baap ke jaan, maal, izzat, aabru, zindagi aur Iman mein khoob barkat Ata farma, ae Allah un ke ilm aur amal mein taraqqi Naseeb farma, aur un ki Qadar daani Naseeb farma.
Ya Allah, humein apne maa baap ka farmabardaar, khidmat guzaar aur unke liye dua karne wala bana.
Ya Allah, humare maa baap ne zindagi bhar takleef utha kar humein bada kiya hai. Unki jitni bhi khidmat hum kar lein, kabhi bhi unka badla hum chuka nahi payenge. Ye jo aaram wali zindagi humein aaj mili hai, wo sab unki qurbaniyon ke badolat mili hai. Hum dua karte hai ki humare maa baap ko jannat ul firdaus naseeb ho. Ya Allah humare maa baap ko jahannam se bacha kar jannat naseeb farmana.
Ya Allah, hamare maa baap par apni rehmat nazil farma. Agar zinda hain to sehat aur barkat wali zindagi ata farma, aur agar wafat paa chuke hain to maghfirat farma.
Ya Allah, hamare maa baap ke gunahon ko maaf farma aur unke darjaat ko buland farma.
Ya Allah, humare maa baap ko tandurusti ataa farma. Humein unki khidmat karne ki taufeek ataa farma. Maut ke aane tak humare maa baap ko kisi baat ki takleef na ho. Na bimari ki takleef jo jism mein dard pohonchaye aur na dil ki takleef jo kisi ki baaton se pohonche. Unhein hamesha khush rakhna aur humein unki khushiyon ki wajah banana.