Become a Contributing member of our community

Contribute A Dua

Ya Allah, hum se jaane aur anjaane mein jo bhi gunah ho gaye hain, un sab ko apni rehmat se maaf farma. Humein sacchi tauba naseeb farma.


Share this Dua:

Category: Gunah Posted By: User

    Other Duas in Gunah

  • Ya Allah, hamare chhote aur bade, zahir aur posheeda sab gunahon ko maaf farma aur humein paak aur saaf zindagi guzaarne ki taufeeq ata farma.
  • Ya Allah, zindagi ka bohot bada hissa teri nafarmani mein guzr gaya, Ae Allah agar hum isse pehle mar jaate to yaqeenan aap ki pakar mein hote, sakhti mein hote, azaab mein hote, Ya Allah yeh teri rahmat ne na hone diya, tu ne itne mawqe diye ke hum tere saamne hamare gunaho ki maafi maang sake, Ya Allah agar tu ne hamein dhutkar diya to kon hamein panaah dega, Ya Allah koi nahi hein, Ae mere maalik hamare tamaam gunaho ko maaf Farma.
  • Ya Allah, gunahon ki wajah se jo sakhti aur andhera hamare dilon mein aa gaya hai use door farma aur apni yaad ki roshni ata farma.
  • Ya Allah, maafi chahte hai un gunah ke liye jo hum karte hai, aur wo gunah ke liye jise gunah samajhte bhi nahi. Hum bohot kamzor aur chhote hai, lekin humare gunah bohot bade hai. Is mubarak mahine ki barkat se humari ye guzarish ko puri farma. Humare sagira aur qabira gunahon ko maaf farma.
  • Ya Allah, Humare gunaho ko maaf farma, Din ke ujaale mein, raat ke andhere mein, kai gunah jaan ke kiye, kai gunah anjaane mein kiye, wo sab gunaho ko maaf farma.
  • Ya Allah, hum gunehgaar hai, bohot sare gunah anjaane mein kar baithte hai, aur kayi gunah jaan kar bhi karte hai. Humare gunah itne bade hai ki maafi ke layak bhi nahi hai, lekin in bade gunaho ke aage Ya Allah aapki rehmat kai guna badi hai. Ya Rahman, aapki rehmat ke aage humare gunaho ko chota samajh kar unhein maaf farma.
  • Ya Allah, tu ne Quran mein farmaya ke tu har gunah ko maaf karta hein, chota ho ya bara, Ya Allah, is Ayat ke zel mein ham sab gunehgaro ki maghfirat farma.
  • Ya Allah, hamare gunah chahe kitne hi zyada kyun na ho, tu apni rehmat se unhein maaf farma aur humein apne pasandeeda bandon mein shamil farma.
  • Ya Allah aap Rahman ho, aap Raheem ho. Ek maa apne bachhe se jitna pyaar karti hai, usse kai guna zyada pyaar aap apne bando se karte ho. Ek maa apne bigde hue bachhe ko seene se laga kar uski buraiyo pe parda dal deti hai, ussi tarah, aap hum sab ki buraiyo pe parda daal kar hum par rahmat barsa aur hum sab ke gunaho ko maaf farma.
  • Ya Allah, humein gunah par qaim rehne se bacha le aur gunah ke baad foran tauba karne wala bana. Humein apne qareeb kar le.